上班不到一個月，我在同事間已經惡名昭彰， 同事不是在背地裡說我「兇」，就劈頭說我「強悍」。 昔日在無記，同事和導演都嫌我「太斯文」、「太學院派」、「不夠惡」， 只有珊珊才知道我比較多。 怎麼到今天，事情竟發展到如斯田地呢？ case1 入職不久被委派負責籌辦NMU的roadshow， Mum(同事J)和爸爸(親愛同事E)異口同聲叫不我要當招待，免得「趕客」。 我：香港電台的網頁有myrthk，可以將你鍾意o既港台節目個人化...... 甲：即係迫我地入會先可以睇番你地o既節目呀？ 我：唔係，即使你未無申請myrthk，仍然可以係港台個網頁度睇到節目重溫...... 甲：節目重溫......即係點？點睇...... 我：頭先咪講咗囉！又問？你留唔留心o架？ 甲：...... (以上對話當然是他們虛構的……) 他們笑說我必定會毫不耐煩、惡形惡相， 不但不能吸引人流，倒把圍觀的途人罵走。 case2 為了預備roadshow當天的佈景， 我有機會與美術部佈景設計科的T先生交手，對方貴人事忙， 即使我再三叮囑會於某天某時帶同J和C(即我的老細)選擇適合的三台電腦座， 並要求看到實物，他也通通忘記了， 更帶我們三人來一個佈景遊踪，務求讓我們走遍佈景部每一個角落， 爬木梯、鑽閣樓...... 最終只找到一開始就擺在佈景房門口的兩座殘舊木檯， 他更聲言那對木座已是最好。 T：嗱！你都見到啦，得呢兩張咋... 我：但係得呢度一款咋？有無其他新d或者靚d揀？ T：造囉！你要慳就得呢d。 我：咁呀...呢度得兩張，我地要三張喎！如果另外造多一張需要等幾耐呀？ T：好快啫...... 我：咁即係要幾耐呀？因為我地要預時間造...... T：呀......兩個星期倒啦！ 我：(心諗：兩個星期叫快呀，我地仲有唔夠四個星期就roadshow喇，仲要隔咗個新年假......) 咁好啦，我地決定要造多個電腦座啦！ T：呀......其實呢個project唔係我跟，會由其他同事跟...... 我：(噢！你別浪費我時間好嗎？) 吓！咁不如你直接話我知係邊位designer跟，唔駛轉達嚟轉達去嘛！ T：係呀K跟，不過佢今日無番喎...... (事實是K正坐在他的位置裡，並對是次工作安排毫不知情) 與T短聚後我回到自己的座位上，我實在按耐不住， 一鼓作氣地把肚裡的怨氣全吐出來，薰得附近的同事四出走避。 爸爸(同事E)滴汗反應後表示：嘩！個次之後，我就知道呢個女人唔得罪得o架！噢，小心女人哦！ Case 3 剛過的生日在教會讀經營裡度過， 第二天吃午飯前捧著玩遊戲剩下的美人瓜，走到營舍中的突破書室看書。 走馬看燈地逛了一逛，發現書架上的書本不太齊全， 再走到短櫃前查看，發現有一名樣貌標緻的小女孩把擺放整齊的書本往書櫃推， 我看著她渾圓的大眼睛，鮮有溫柔地說：小朋友，唔可以將d相亂推入去o架！ 她看一看我，繼續使勁地推書。 我再俯下身，重覆一次：小朋友，唔可以將d相亂推入去o架！ 此時，在女孩看旁的母親終於發現我在跟她的女兒說話， 邊整理手上的戰利品，邊說：唔可以唔乖o既...... 說時遲，那時快，小女孩的臉蛋立時上演一場變臉！ 最初的笑臉->扁嘴瞇眼->淚水湧出->放聲大哭...... 我當時心想：唉...唔係嘛... 母親把女兒拉到書室前，女兒的嚎哭聲越來越大， 女孩母親認識的朋友邊問發生甚麼事邊圍觀， 而我就只好退下火線，回到飯堂吃午飯。 席上我與大家分享我弄小女孩的經過， 吉蒂驚嘆：哦！原來係你呀！ 頭先我係書室前見到個靚係度邊喊邊大嗌：衰人！衰人！ 跟住d圍觀人士就話整喊個細路女個靚妹好惡喎... (>_<......) Case 4 如來神掌 & 九陰白骨爪 (唉，知情人士就知o架喇！So sorry……) ><><><><><><><><><><><><><><><><><><><><><><><><><><><><><><><>< 唉…...或許我真是太兇了吧！ 雖然有說「有諸內，形諸外」，不過我卻是鮮有因為生氣才對人發惡的。 面對某些少不更事的鋼琴學生，我會裝「兇」作勢，以免他們恃熟賣熟，不用功學習； 面對惹怒老娘的人，我生氣，亦只會發牢騷，不過吐氣對象亦絕對不會是我的生氣對象； 面對不平事冤枉事惱人事，我會生氣，氣自己，氣得頭頂出煙、眼睛漏水， 嘴巴嘛......卻合得緊緊的。 從前有朋友提點：喂！你唔笑個樣好惡！ 只怕即使我笑容可掬亦被人解作笑裡藏刀。 至於身懷武功絕技，亦只能感謝父母天父，賜我強健體魄， 害我擔心總有一天會高興興奮得不小心打死自己的丈夫。 | 
